លោកនាយករដ្ឋមន្ត្រី Petteri Orpo បាននិយាយថា អាជ្ញាធរហ្វាំងឡង់ មើលឃើញថា មិនចាំបាច់ដាក់ពង្រាយឃ្លាំងអាវុធនុយក្លេអ៊ែររបស់សហរដ្ឋអាមេរិក នៅលើទឹកដីរបស់ខ្លួននោះទេ។
នាយករដ្ឋមន្ត្រីរូបនេះ បាននិយាយ នៅក្នុងបទសម្ភាសន៍ជាមួយកាសែតប៉ូឡូញ Rzeczpospolita ថា មិនចាំបាច់មានការដាក់ពង្រាយអាវុធនុយក្លេអ៊ែររបស់សហរដ្ឋអាមេរិកនៅហ្វាំងឡង់ទេ ពីព្រោះណាតូ អនុវត្តកិច្ចព្រមព្រៀងទប់ស្កាត់នុយក្លេអ៊ែរ ។
លោក បានចង្អុលបង្ហាញថា អាវុធនុយក្លេអ៊ែរដែលដាក់ពង្រាយរួចហើយក្នុងប្រទេសមួយចំនួននៃសម្ព័ន្ធមិត្តគឺគ្រប់គ្រាន់ ដើម្បីធានាសន្តិសុខរបស់ណាតូ។
យ៉ាងណាក៏ដោយ យោងតាមនាយករដ្ឋមន្ត្រី អះអាងថា ហ្វាំងឡង់ កំពុងត្រៀមខ្លួន ដើម្បីចូលរួមក្នុងការរារាំងការគំរាមកំហែងដ៏មានសក្ដានុពលចំពោះសម្ព័ន្ធភាព ជាមួយនឹងអាវុធធម្មតា៕
