ចក្រភពអង់គ្លេស បរាជ័យជាលើកទី ២ ក្នុងការបាញ់សាកល្បងនូវមីស៊ីល Trident ពីនាវាមុជទឹកប្រភេទ Royal Navy ខណការធ្វើតេស្តចុងក្រោយបំផុតធ្វើឡើង លើនាវា HMS Vanguard នៅឆ្នេរសមុទ្រភាគខាងកើតសហរដ្ឋអាមេរិក។
គ្រាប់រ៉ុក្កែត booster របស់មីស៊ីល បានធ្លាក់ក្នុងសមុទ្រ ជិតកន្លែងបាញ់បង្ហោះ។ នេះបើយោងតាម The Sun ដែលបានរាយការណ៍ពីដំណើរការខុសប្រក្រតីនេះ។ នេះជារឿងអាម៉ាស់ខ្លាំងសម្រាប់ទាំងចក្រភពអង់គ្លេស និងអាមេរិក ដែលផលិតមីស៊ីល Trident ។
គួរបញ្ជាក់ថា ការសាកល្បងមីស៊ីល Trident របស់អង់គ្លេស នេះគឺខាតបង់ក្នុងទំហំដ៏ធំ ដោយសារតែតម្លៃ ខណតម្លៃនៃមីស៊ីលនីមួយៗគឺប្រហែល ១៧ លានផោន៕
