រាជធានីភ្នំពេញ៖ នារសៀលថ្ងៃទី២៧ ខែកុម្ភៈ ឆ្នាំ ២០២៤ ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានដឹកនាំក្រុមការងារ ថ្នាក់ដឹកនាំក្រសួង ប្រធានមន្ទីរអប់រំ រាជធានីភ្នំពេញ លោកគ្រូ អ្នកគ្រូ គណៈគ្រប់គ្រងសាលា និងមន្ត្រីពាក់ព័ន្ធក្រោមឱវាទក្រសួង ចុះទស្សនកិច្ចពិនិត្យការរៀន និងបង្រៀន នៅសាលាបឋមសិក្សា អ្នកឧកញ៉ាមហាភក្តី ហ៊ុន នាង ល្វា សង្កាត់កោះដាច់ ខណ្ឌឫស្សីកែវ រាជធានីភ្នំពេញ។
ឯកឧត្ដមបណ្ឌិតសភាចារ្យ ឧបនាយករដ្ឋមន្ត្រី បានថ្លែអំណរគុណ និងលើកទឹកចិត្ត ចំពោះគណៈគ្រប់គ្រងសាលា លោកគ្រូ អ្នកគ្រូ និងភាគីពាក់ព័ន្ធទាំងអស់ ដែលខិតខំប្រឹងប្រែងអស់កម្លាំងកាយចិត្តបំពេញភារកិច្ចប្រកបដោយការទទួលខុសត្រូវខ្ពស់ ក៏ដូចជាអ្នកអាណាព្យាបាលសិស្ស ដែលបានចូលរួមចំណែកជ្រោមជ្រែងដល់ដំណើរការរបស់សាលារៀន។
សាលារៀនត្រូវរៀបចំបណ្ណាល័យស្តង់ដា ដែលមានសៀវភៅ សម្រាប់អានទាំង ៦កម្រិត និងជំរុញសកម្មភាពអំណានក្នុងបណ្ណាល័យ និងគ្រូបង្រៀន លើវិធីសាស្ត្រអំណានក្នុងបណ្ណាល័យ។ គណៈគ្រប់គ្រងសាលា គ្រូបង្រៀន មាតាបិតា អ្នកអាណាព្យាបាលសិស្ស ត្រូវទម្លាប់ឱ្យកូនអានសៀវភៅគ្រប់ពេលវេលា ទីកន្លែង៕
២៧ កុម្ភៈ ២០២៤ | រាជធានីភ្នំពេញ
