នៅក្នុងបទសម្ភាសន៍ជាមួយទូរទស្សន៍ កាលពីថ្ងៃចន្ទ រដ្ឋមន្ត្រីការបរទេសទួរគី លោក Hakan Fidan អះអាងថា អរិភាពរវាងទីក្រុងមូស្គូ និងទីក្រុងគៀវ បានប្រែក្លាយទៅជាសង្គ្រាមនៃការបំផ្លាញ ដែលលោក និយាយថា គឺជាបញ្ហាដ៏ធ្ងន់ធ្ងរនៃការព្រួយបារម្ភសម្រាប់ទួរគី ផងដែរ។
លោក Fidan បានលើកឡើងថា តាមយុទ្ធសាស្ត្រ យើងមានការព្រួយបារម្ភអំពីការពង្រីកជម្លោះ ចូលទៅក្នុងតំបន់ ហើយនេះអាចជាដំណើរការចាប់ផ្តើមដោយការនិយាយ ហើយបន្ទាប់មកប្រែទៅជាសកម្មភាព តែម្ដង។ លោក ក៏បានព្រមានអឺរ៉ុបថា គួរតែមានការព្រួយបារម្ភអំពីស្ថានភាពនៅអ៊ុយក្រែន ជាចម្បង។
គួរបញ្ជាក់ថា សង្គ្រាមរវាងរុស្ស៊ី និងអ៊ុយក្រែន បានអូសបន្លាយអស់រយៈពេលជិត ៣ ឆ្នាំ មកហើយ ដោយគិតចាប់ពីចុងខែកុម្ភៈ ឆ្នាំ ២០២១ មក៕
