ក្រុមបាល់ទាត់សាកលវិទ្យាល័យឡាយហ្វខេត្តព្រះសីហនុបានក្លាយជាម្ចាស់ជើងឯកលីគ២ ប្រចាំរដូវកាល២០២៣/២០២៤ ក្រោយស្មើក្រុមក្រសួងមហាផ្ទៃដោយលទ្ធផល៤ទល់នឹង៤ ថ្ងៃចុងក្រោយនៅថ្ងៃអាទិត្យ ទី៣១ ខែមីនា។
ចប់ការប្រកួត១៨លើក ក្រុមឡាយហ្វមាន៣៥ពិន្ទុពីលើក្រុមមហាផ្ទៃដែលមាន៣៥ពិន្ទុដូចគ្នា តែក្រុមមកពីខេត្តព្រះសីហនុមានប្រៀបលើ head-to-head ព្រោះ២ជើងមុន ឈ្នះទាំង២លើក។ ជាក់ស្ដែង សមាគមកីឡាបាល់ទាត់ក្រសួងមហាផ្ទៃ ជើងទី១ ចាញ់ឡាយហ្វ២ទល់០ និង ជើងទី២ ក្រសួងមហាផ្ទៃ បន្ដចាញ់ទៀតដោយលទ្ធផល ១ទល់០។
នេះជារដូវកាលដំបូងហើយដែលក្រុមសាកលវិទ្យាល័យឡាយហ្វបានចូលប្រកួតក្របខណ្ឌ Cambodian League 2 ហើយក៏អាចក្រសោបបានជើងឯកតែម្ដង៕
