សហរដ្ឋអាមេរិក បានព្រមានអាជ្ញាធររុស្ស៊ី ២ សប្តាហ៍ មុនការវាយប្រហារភេរវករនៅសាលាក្រុង Crocus ថា កន្លែងតន្ត្រីអាចជាគោលដៅនៃការវាយប្រហារភេរវកម្ម។ នេះបើយោងតាមកាសែត Washington Post បានរាយការណ៍ ដោយដកស្រង់សម្តីមន្ត្រីអាមេរិកដែលដឹងពីបញ្ហានេះ។
កាសែតដដែល បានបន្ថែមថា ជាង ២ សប្តាហ៍មុនពេលភេរវករធ្វើការវាយប្រហារបង្ហូរឈាមនៅជាយក្រុងមូស្គូ រដ្ឋាភិបាលសហរដ្ឋអាមេរិកបានប្រាប់មន្ត្រីរុស្ស៊ីថា សាលាក្រុង Crocus ដែលជាកន្លែងប្រគុំតន្ត្រីដ៏ពេញនិយម គឺជាគោលដៅដ៏គ្រោះថ្នាក់មួយ។
យោងតាមកាសែត The Washington Post ព័ត៌មាននេះ ត្រូវបានបញ្ជូនទៅកាន់ប្រទេសរុស្ស៊ី មួយថ្ងៃមុនពេលស្ថានទូតអាមេរិក នៅទីក្រុងមូស្គូ ចេញការព្រមានកាលពីថ្ងៃទី ៧ ខែមីនា ដល់ជនជាតិអាមេរិកឱ្យជៀសវាងការប្រមូលផ្តុំគ្នាដ៏ធំនៅក្នុងទិដ្ឋភាពនៃការវាយប្រហារភេរវកម្មដែលអាចកើតមាននៅក្នុងរដ្ឋធានីរុស្ស៊ី។
គួរបញ្ជាក់ថា ចំនួនអ្នកស្លាប់ ដោយសារការវាយប្រហារភេរវកម្មក្នុងកន្លែងប្រគុំតន្ត្រី នៅពិតរដ្ឋធានីរុស្ស៊ី បានកើនឡើងដល់ ១៤៥ នាក់ ខណភេរវករ ក៏ចាប់បានផងដែរ៕
