កីឡា៖ ក្រុមកីឡាការ៉ាតេដូជម្រើសជាតិកម្ពុជាដណ្ដើមបានមេដាយចំនួន៧គ្រឿងពីការប្រកួតកីឡាការ៉ាតេជើងឯកអាស៊ីអាគ្នេយ៍ ឆ្នាំ២០២៤ នៅក្រុងបាងកក ប្រទេសថៃ បន្ទាប់ពីបញ្ចប់ការប្រកួត កាលពីល្ងាចថ្ងៃ សុក្រ ទី២៦ ខែមេសា ឆ្នាំ២០២៤ ម្សិលមិញនេះ ។
មេដាយទាំង ៧គ្រឿង នោះរួមមាន មេដាយសំរឹទ្ធ៥គ្រឿង បានពីការប្រកួតនៅថ្ងៃព្រហស្បតិ៍ ទី២៥ ខែ មេសា លើវិញ្ញាសារក្រុមកាតានារី មានកីឡាការិនី ថាត ឆេងហ័ង , អូន ស្រីដា , ពុទ្ធា ស្រីណុច និង រឹទ្ធ គីមលាង។ វិញ្ញាសារក្រុមកាតាបុរសមានកីឡាករ ហូ ហេង , ថេង គឹមឈា , ឆេងច័ន្ទដារ៉ារតនៈ និង តាយ គីមឈ័ង។ វិញ្ញាសាប្រយុទ្ធបុរស មានដូចជា សូត ផានិត ប្រយុទ្ធ-75Kg, ស្រៀង វិរៈ ប្រយុទ្ធ-84kg និងជ្រុន វិរៈបុត្រ ប្រយុទ្ធ-67kg។
ចំណែកនៅថ្ងៃសុក្រ ទី២៦ ខែមេសា ម្សិលមិញនេះ កម្ពុជាឈ្នះមេដាយប្រាក់១គ្រឿង លើកវិញ្ញាសារប្រយុទ្ធកីឡាករ ទេព ស្ទីវយុទ្ធថាណា ទម្ងន់ -55kg។ និងមេដាយសំរិទ្ធ១គ្រឿងទៀតនៅលើវិញ្ញាសារ ប្រយុទ្ធបុរសជាក្រុមដែលមានកីឡាករ ស្រៀង វីរៈ, សូត ផានិត , លី គួយហាវ , ជ្រុន វិរៈបុត្រ , ដែក សុវណ្ណរតនព , ងួន សុខក្រៃលែង និង ឈាវ រក្សា៕
