អ្នកចាត់ការ Pep Guardiola បាននិយាយកាលពីថ្ងៃអង្គារ ថា ខ្សែបម្រើរបស់ Manchester City កីឡាករ Rodri អាចនឹងអវត្តមានរយៈពេលយូរ ខណៈក្រុមកំពុងរង់ចាំការបញ្ជាក់អំពីស្ថានភាពនៃរបួសជង្គង់របស់កីឡាករអេស្ប៉ាញរូបនេះ។
កីឡាករសញ្ជាតិអេស្ប៉ាញវ័យ ២៨ ឆ្នាំរូបនេះបានដើរចេញពីទីលានក្នុងតង់ទី ១ នៃការប្រកួតស្មើ ២-២ នៅក្របខណ្ឌ Premier League របស់ Man City ជាមួយក្រុម Arsenal កាលពីថ្ងៃអាទិត្យជាមួយនឹងអ្វីដែលគេភ័យខ្លាចថាជារបួស ACL ។
បន្ទាប់ពីក្រុមរបស់លោក Pep Guardiola បានយកឈ្នះលើក្រុម Watford នៅពាន League Cup គ្រូបង្វឹករូបនេះ បាននិយាយថាលោកនៅតែមិនទាន់ដឹងពីរោគវិនិច្ឆ័យពិតប្រាកដរបស់កីឡាករវ័យ ២៨ ឆ្នាំនោះទេ ប៉ុន្តែគេរំពឹងថានឹងដឹងនៅប៉ុន្មានម៉ោងខាងមុខនេះ។
លោក Guardiola បាននិយាយថា “នៅតែយើងមិនទាន់មានការកំណត់ច្បាស់លាស់ (ការធ្វើរោគវិនិច្ឆ័យ) ប៉ុន្តែគាត់នឹងអវត្តមានរយៈពេលយូរ” ។ “មានមតិខ្លះថាវាអាចតិចជាងការរំពឹងទុក។ ឥឡូវនេះខ្ញុំមិនអាចប្រាប់អ្នកបានទេ។ យើងកំពុងរង់ចាំការធ្វើតេស្តចុងក្រោយពីវេជ្ជបណ្ឌិត។ តើគាត់មានអ្វីខ្លះ និងប្រភេទណាដែលគាត់ត្រូវទទួលការវះកាត់។”យើងរំពឹងថាយប់នេះ ថ្ងៃស្អែកយើងនឹងដឹងច្បាស់”។
យ៉ាងណាក៏ដោយ គ្រូបង្វឹក Man City និយាយថា ក្រុមនឹងស្វែងរកដំណោះស្រាយក្នុងករណីគ្មានកីឡាករមិនអាចជំនួសបាន”។ លោក Guardiola បាននិយាយថា “នៅពេលដែលក្រុមមួយមិនលេងជាមួយខ្សែបម្រើល្អបំផុតក្នុងពិភពលោកក្នុងរយៈពេលយូរ វាជាបញ្ហាដ៏ធំមួយ”។ “ខ្ញុំនឹងស្វែងរកដំណោះស្រាយ។ មានជម្រើសមួយ យើងនឹងធ្វើវា។ នៅពេលដែលអ្នកមានកីឡាករម្នាក់ដែលមិនអាចជំនួសបាន ក្នុងនាមជាក្រុម យើងត្រូវស្វែងរកដំណោះស្រាយ”៕
