ការវាយប្រហារតាមអាកាសរបស់អ៊ីស្រាអែល ទៅលើទីក្រុង Beirut ក្នុងប្រទេសលីបង់ បានសម្លាប់មេបញ្ជាការជាន់ខ្ពស់ក្រុមហេសបូឡាម្នាក់ រួមទាំងបក្សពួក កាលពីថ្ងៃអង្គារ ដែលនាំឲ្យមានការខឹងសម្បារយ៉ាងខ្លាំងពីសំណាក់ក្រុមនេះ។
ការរវាយប្រហារដោយគ្រាប់រ៉ុក្កែតឆ្លងព្រំដែនដោយភាគីទាំង ២ បានបង្កើនការភ័យខ្លាចនៃសង្គ្រាមពេញលេញនៅមជ្ឈិមបូព៌ា ខណទាំងអ៊ីស្រាអែល និងក្រុមហេសបូឡា កំពុងបាញ់តបតទៅវិញទៅមកយ៉ាងខ្លាំង។
ការវាយលុកថ្មីប្រឆាំងនឹងក្រុមហេសបូឡា បានបង្កការភ័យខ្លាចថា ការកើនឡើងនេះអាចធ្វើឱ្យមជ្ឈិមបូព៌ាមានអស្ថិរភាពកាន់តែយ៉ាប់យ៉ឺន។
ទន្ទឹមនោះ រដ្ឋមន្ត្រីការបរទេសលីបង់ លោក Abdallah Bou Habib បានរិះគន់សុន្ទរកថារបស់លោក Biden ថា មិនរឹងមាំ មិនគោរពសន្យា ហើយថា សហរដ្ឋអាមេរិក គឺជាប្រទេសតែមួយគត់ដែលពិតជាអាចធ្វើឱ្យមានការផ្លាស់ប្តូរនៅមជ្ឈិមបូព៌ា ជាពិសេសស្លានភាពដែលកំពុងក្ដៅគគុកនៅប្រទេសលីបង់នេះ ។
គួរបញ្ជាក់ថា ប៉ុន្មានថ្ងៃចុងក្រោយនេះ មានការកើនឡើងនៃការប្រយុទ្ធគ្នាយ៉ាងខ្លាំងរវាងក្រុមហេសបូឡា និងយោធាអ៊ីស្រាអែល ខណនាំឲ្យប្រជាជនមួយចំនួនត្រូវបង្ខំចិត្តចាកចេញពីលំនៅដ្ឋាន ៕
