មនុស្សយ៉ាងហោចណាស់ ៤៣ នាក់ស្លាប់ និងរាប់លាននាក់ទៀតគ្មានអគ្គិសនីប្រើប្រាស់ កាលពីថ្ងៃសុក្រ ខណដែលព្យុះកំណាច Hurricane Helene បានបោកបក់នៅភាគអាគ្នេយ៍នៃសហរដ្ឋអាមេរិក។
Helene ជាព្យុះដែលមានកម្លាំងខ្លាំងបំផុតក្នុងកំណត់ត្រាដែលបានវាយប្រហារតំបន់ Big Bend រដ្ឋ Florida ហើយបន្តបោកបក់ទៅភាគខាងជើងក្នុងរដ្ឋ Georgia និងរដ្ឋ Carolinas ។
ទោះបីជា មកដល់ពេលនេះព្យុះ Helene ចុះខ្សោយក៏ដោយ ប៉ុន្តែអ្នកព្យាករណ៍ នៅតែព្រមានពីខ្យល់បក់ខ្លាំង ទឹកជំនន់ និងការគំរាមកំហែងនៃព្យុះកំបុតត្បូងនឹងបន្ត។
យោងតាមទីភ្នាក់ងារគ្រប់គ្រងគ្រាអាសន្នសហព័ន្ធ (FEMA) បានឱ្យដឹងថា ទោះមានក៏ព្រមានផ្សេងៗ ប៉ុន្តែ Helene នៅតែជាព្យុះដែលមិនអាចប្រហែសបាន ។
គួរបញ្ជាក់ថា Hurricane Helene ជាព្យុះមានកម្លាំងខ្លាំងបំផុតដែលបោកបក់នៅសហរដ្ឋអាមេរិក ក្នុងឆ្នាំនេះ ខណអ្នកជំនាញព្យាករណ៍ថានឹងមានព្យុះកំបុតត្បូងបន្តទៀត ៕
