យោធាអ៊ីស្រាអែលបានបប្រកាសនៅថ្ងៃសៅរ៍នេះថាខ្លួនបានសម្លាប់មេដឹកនាំក្រុមអ៊ិស្លាមអ៊ិស្លាមហ៊ីសបូឡាហ៍ ហាសាន់ ណាសរ៉ាឡា ដែលមានមូលដ្ឋាននៅលីបង់។ យោធាក៏បានឲ្យដឹងកាលពីថ្ងៃសុក្រថា កងកម្លាំងរបស់ខ្លួនបានបើកការវាយប្រហារតាមផ្លូវអាកាសទៅលើទីស្នាក់ការកណ្តាលរបស់ក្រុម Hezbollah នៅជាយក្រុងនៃរដ្ឋធានី Beirut ប្រទេសលីបង់។
ប្រព័ន្ធផ្សព្វផ្សាយអ៊ីស្រាអែលបានរាយការណ៍ថាការវាយប្រហារនោះបានផ្តោតលើមឹដឹកនាំ Nasrallah។ យ៉ាងណាក៏ដោយក្រុមចលនា Hezbollah មិនបានបញ្ចេញព័ត៌មានអំពីសុវត្ថិភាពរបស់មេដឹកនាំខ្លួននោះទេ៕
