ក្រុមមន្ត្រី បានរាយការណ៍ថា ទឹកជំនន់ និងការបាក់ដីដ៏ធំនៅក្នុងប្រទេសនេប៉ាល់ កំពុងសម្លាប់មនុស្សជាង ១៥១ នាក់នៅទូទាំងប្រទេសនេះ ។
មនុស្សរាប់សិបនាក់ទៀតបាត់ខ្លួន កាលពីថ្ងៃអាទិត្យ បន្ទាប់ពីភ្លៀងធ្លាក់ខ្លាំងរយៈពេល ២ ថ្ងៃ ជាប់ៗគ្នា បណ្ដាលឲ្យជន់លិចជ្រលងភ្នំជុំវិញរដ្ឋធានី Kathmandu ។
អ្នកស្រុក បាននិយាយថា ពួកគេត្រូវលោតពីដំបូលមួយទៅដំបូលមួយទៀត ដើម្បីជម្លៀសចេញពីកន្លែងគ្រោះថ្នាក់ ខណផ្ទះរាប់ពាន់ខ្នងត្រូវលិចលង់ ។
ទន្ទឹមនោះ ក្រុមជួយសង្គ្រោះ ក៏បានប្រើឧទ្ធម្ភាគចក្រ និងក្បូន សម្រាប់ប្រតិបត្តិការជួយសង្គ្រោះ ពលរដ្ឋដែលកំពុងរងគ្រោះផងដែរ ។
ជាមួយគ្នានោះ ទោះបីជាភ្លៀង ត្រូវបានព្យាករណ៍ថានឹងបន្តរហូតដល់ថ្ងៃអង្គារក៏ដោយ ប៉ុន្តែនៅថ្ងៃអាទិត្យនេះ គេសង្កេតឃើញថាឥទ្ធិពលរបស់វាហាក់ថមថយ។
មកទល់ពេលនេះ មនុស្សជាង ៣ ពាន់នាក់ ត្រូវបានជួយសង្គ្រោះ នេះបើយោងតាមអ្នកនាំពាក្យរដ្ឋាភិបាល។ ប៉ុន្តែទឹកជំនន់ភ្លាមៗ រួមទាំងការបាក់ដីបណ្តាលឲ្យមនុស្សស្លាប់ជាច្រើននាក់។
គួរបញ្ជាក់ថា អាជ្ញាធរ បានឲ្យដឹង កាលពីថ្ងៃអាទិត្យថា មនុស្សជាង ៦២ នាក់ បាត់ខ្លួននៅមិនទាន់រកឃើញនៅឡើយនោះទេ ៕
