អាកាសយានដ្ឋានមួយនៅភាគនិរតីនៃប្រទេសជប៉ុនបានបន្តប្រតិបត្តិការធម្មតាវិញហើយ មួយថ្ងៃបន្ទាប់ពីការបំផ្ទុះមួយបានបន្សល់ទុករន្ធនៅផ្លូវតាក់ស៊ី។
គ្រាប់បែកសម័យសង្គ្រាមមិនទាន់ផ្ទុះមួយបានផ្ទុះភ្លាមៗនៅក្រោមផ្លូវតាក់ស៊ីនៅអាកាសយានដ្ឋាន Miyazaki កាលពីព្រឹកថ្ងៃពុធ។ ការផ្ទុះនេះបានបង្កើតរន្ធជម្រៅប្រហែលមួយម៉ែត្រនៅផ្លូវរត់យន្តហោះ។ បំណែកផ្លូវថ្នល់ និងកម្ទេចកម្ទីផ្សេងៗនៃការផ្ទុះបានហោះទៅឆ្ងាយប្រហែល ២០០ ម៉ែត្រ។
យន្តហោះចំនួន 4 ត្រូវបានគេរាយការណ៍ថាបានប្រើប្រាស់ផ្លូវតាក់ស៊ីមុនមួយថ្ងៃមុនពេលការផ្ទុះបានកើតឡើង។ ក្នុងចំណោមជើងហោះហើរទាំងនោះ ជាជើងហោះហើររបស់ក្រុមហ៊ុន Japan Airlines ដែលមានមនុស្ស ៩៣ នាក់នៅលើនោះ បានឆ្លងកាត់កន្លែងផ្ទុះកាលពីប៉ុន្មាននាទីមុននេះ។ អាកាសយានដ្ឋាន Miyazaki គឺជាមូលដ្ឋានទ័ពជើងទឹករបស់អធិរាជជប៉ុន ក្នុងអំឡុងសង្គ្រាមលោកលើកទីពីរ។
គេជឿថាគ្រាប់បែកនេះមានទម្ងន់ប្រហែល 250 គីឡូក្រាម។ គ្រាប់បែកប្រភេទនោះត្រូវបានគេរាយការណ៍ថាបានទម្លាក់ដោយកងកម្លាំងអាមេរិកក្នុងអំឡុងពេលសង្គ្រាម។ ផ្លូវរត់របស់អាកាសយានដ្ឋានត្រូវបានបិទបន្ទាប់ពីការផ្ទុះដ៏កក្រើកនោះ។
អង្គភាពកងកម្លាំងស្វ័យការពារជប៉ុនជំនាញបានយកចេញនូវកំទេចកំទីដោយបញ្ជាក់ថាតំបន់នោះមានសុវត្ថិភាព ហើយបន្ទាប់មកបានបំពេញរន្ធដែលផ្ទុះនោះ។ ផ្លូវរត់ត្រូវបានបើកឡើងវិញនៅម៉ោង 7:30 យប់ ប៉ុន្តែជើងហោះហើរជាង 80 ត្រូវបានលុបចោលផងដែរ។ ការផ្លាស់ប្តូរកាលវិភាគត្រូវធ្វើនៅថ្ងៃព្រហស្បតិ៍ ដោយសារតែជើងហោះហើរត្រូវបានលុបចោល៕
