អភិបាលតំបន់ លោក Vyacheslav Gladkov បានឲ្យដឹងថា យ៉ាងហោចណាស់មនុស្ស ៤ នាក់បានស្លាប់ និង ២៤ នាក់ផ្សេងទៀតបានរងរបួសក្នុងការវាយប្រហាររបស់អ៊ុយក្រែនលើតំបន់ Belgorod របស់រុស្ស៊ី កាលពីថ្ងៃពុធ។
យោងតាមអភិបាលក្រុង Kiev បាននិយាយថា កងទ័ពរបស់ Kiev បានកំណត់គោលដៅជុំវិញការតាំងទីលំនៅរាប់សិបដោយកាំភ្លើងធំ និងយន្តហោះគ្មានមនុស្សបើក។ លោក Gladkov បានសរសេរនៅក្នុងសារបង្ហោះនៅលើ Telegram នៅព្រឹកថ្ងៃព្រហស្បតិ៍ថា កាលពីម្សិលមិញគឺជាថ្ងៃដ៏អាក្រក់សម្រាប់តំបន់ Belgorod ទាំងមូល។ លោកថា ពេញមួយថ្ងៃពុធ អភិបាលខេត្តបានរាយការណ៍អំពីការវាយប្រហាររបស់អ៊ុយក្រែននៅទូទាំងតំបន់តាមរយៈប៉ុស្តិ៍ផ្ទាល់ខ្លួនរបស់លោក។
នៅរសៀលថ្ងៃដដែល មនុស្សម្នាក់បានស្លាប់ និង៤នាក់ទៀតរងរបួស ក្នុងនោះមានក្មេងជំទង់ម្នាក់ និងកុមារអាយុ៣ឆ្នាំម្នាក់ ក្នុងការវាយប្រហារមួយលើភូមិ Krapivnoe ។ ប៉ុន្មានម៉ោងក្រោយមក កងកម្លាំងរបស់ទីក្រុងគៀវ បានបាញ់ផ្លោងលើកសិដ្ឋានមួយកន្លែងនៅក្នុងភូមិ Yasnye Zori បណ្តាលឲ្យមនុស្សម្នាក់ស្លាប់ និង 13 នាក់រងរបួស។
ដោយទ្បែក កាលពីល្ងាចថ្ងៃពុធ យន្តហោះ UAV បានកំណត់គោលដៅលើរថយន្តមួយគ្រឿងនៅ Yasnye Zori បណ្តាលឲ្យអ្នកបើកបររងរបួស ដែលកំពុងសម្រាកព្យាបាលនៅមន្ទីរពេទ្យ។
លោកបន្ថែមថា រថយន្តដឹកទំនិញចំនួន 3 គ្រឿងត្រូវបានបុកដោយយន្តហោះគ្មានមនុស្សបើក ខណៈពេលកំពុងធ្វើដំណើរតាមដងផ្លូវក្នុងផ្នែកផ្សេងៗនៃតំបន់។ អ្នកបើកបរម្នាក់បានស្លាប់ និងពីរនាក់ទៀតរងរបួស។ នៅថ្ងៃដដែលនោះ អគារ និងហេដ្ឋារចនាសម្ព័ន្ធត្រូវបានបំផ្លាញដោយគ្រាប់ផ្លោង និង UAVs នៅ Varvarovka, Novaya Tavolzhanka, Belyanka, Murom, Prilesye និងការតាំងទីលំនៅផ្សេងទៀត។ ទន្ទឹមនោះក៏មានយន្តហោះគ្មានមនុស្សបើកត្រូវបានបាញ់ទម្លាក់ដោយប្រព័ន្ធការពារដែនអាកាសលើរដ្ឋធានី Belgorod ក្នុងតំបន់ផងដែរ៕
