ខេត្តរតនគិរី÷ យោងតាមរបាយការណ៍របស់ការិយាល័យនៃស្នងការដ្ឋាននគរបាលចរាចរណ៍ខេត្ត បានឲ្យដឹងនៅព្រឹកថ្ងៃទី៤តុលានេះ ថា ករណីគ្រោះថ្នាក់ចរាចរណ៍រយ:ពេល ៣ថ្ងៃ ក្នុងពិធីបុណ្យភ្ជុំបិណ្ឌ ឆ្នាំ២០២៤នេះ មានករណីគ្រោះថ្នាក់ចរាចរណ៍កើតឡើងចំនួន ១លើក ស្មើរ ១ករណី(ពេលយប់ចំនួន ១លើក)ម៉ូតូនិងម៉ូតូ ចំនួន១លើក មនុស្សស្លាប់គ្មានរបួសធ្ងន់ចំនួន ១នាក់របួសស្រាលចំនួន ២នាក់ការខូចខាតយានយន្តម៉ូតូចំនួន ២គ្រឿង ខូចខាតកម្រិតស្រាល។
របាយការណ៍បានបញ្ជាក់ទៀតថា បើប្រៀបធៀបទៅនឹងរយ:ពេល៣ថ្ងៃនៃពិធីបុណ្យភ្ជុំបិណ្ឌឆ្នាំ២០២៣ ឃើញថាគ្រោះថ្នាក់ចរាចរណ៍ ស្មើរគ្នាស្លាប់ ថយចុះចំនួន ១នាក់ របួសធ្ងន់ កើនឡើងចំនួន ១នាក់ របួសស្រាល កើនឡើងចំនួន២នាក់។
ការបើកបរយានយន្តនិងយានជំនិះគ្រប់ប្រភេទ មានការយល់ដឹងបានច្រើនជាងមុន ក្នុងការបើកបរលើដងវិថីនានា ប៉ុន្តែការយល់ដឹងបានច្រើននោះ គឺសមត្ថកិច្ចជំនាញបានចុះពន្យល់និងណែនាំជារៀងរាល់ថ្ងៃ លើអ្នកបើកបរធ្វើដំណើរតាមដងផ្លូវជាតិ ត្រូវបើកបរបន្ថយល្បឿនកំណត់ក្នុងទីប្រជុំជន និងបើកបរយានជំនិះត្រូវពាក់មួកសុវត្ថិភាពចៀសវាងមានហានិភ័យកើតឡើងជាយថាហេតុ៕
