នាថ្ងៃទី១៤ ខែតុលា ឆ្នាំ២០២៤ ឯកឧត្តមបណ្ឌិតសភាចារ្យទេសរដ្ឋមន្ត្រី អ៊ុក រ៉ាប៊ុន ប្រធានក្រុមប្រឹក្សាស្ដារអភិវឌ្ឍន៍វិស័យកសិកម្មនិងជនបទ និងជាប្រធានគណៈកម្មាធិការជាតិជំរុញចលនាភូមិមួយផលិតផលមួយបានដឹកនាំគណៈប្រតិភូកម្ពុជាធ្វើទស្សនកិច្ចសិក្សានៅកសិដ្ឋានស្រាវជ្រាវអភិវឌ្ឍន៏កសិម្ហូបអាហារនិងថាមពលសូឡា (Agri- Food – Energy Park) របស់មជ្ឈមណ្ឌលស្រាវជ្រាវ Forschungszentrum Jülich នៅតំបន់Julich នៃប្រទេសអាល្លឺម៉ង់។
សូមជម្រាបជូនថា Forschungszentrum Jülich គឺជាមជ្ឈមណ្ឌលស្រាវជ្រាវដ៏ធំមួយនៅប្រទេសអាល្លឺម៉ង់ក៏ដូចជានៅទូទាំងអឺរ៉ុបទាំងមូលដែលធ្វើការស្រាវជ្រាវអន្តរវិស័យផ្តោតលើថាមពល ជីវសេដ្ឋកិច្ច និងព័ត៍មាន។ តាមរយៈកសិដ្ឋានបែបថ្មី Agrivoltaics គេអាចប្រើប្រាស់ដីសម្រាប់ការផលិតនូវថាមពលសូឡាដោយពេលជាមួយគ្នានោះគេអាចប្រើប្រាស់ដីនេះសម្រាប់ការធ្វើកសិកម្មផងដែរ៕
