កីឡា ៖ ក្រុមជម្រើសជាតិកូរ៉េខាងត្បូង បានសម្រេចបញ្ចប់តំណែងគ្រូបង្វឹកជនជាតិអាល្លឺម៉ង់ គឺលោក Jurgen Klinsmann កាលពីប៉ុន្មានសប្ដាហ៍មុន ក្រោយដឹកនាំក្រុមធ្លាក់ចេញពីពានរង្វាន់កម្រឹតអាស៊ី Asian Cup 2023 ត្រឹមវគ្គពាក់កណ្តាលផ្តាច់ព្រ័ត្រ ។ ការសម្រេចបញ្ចប់តំណែងនេះលោក Klinsmann ក៏ទទួលបានទឹកប្រាក់ចំនួន៧.៥លានដុល្លារផងដែរ។
សូមជម្រាប់ថា ក្នុងព្រឹត្តិការណ៍ពានរង្វាន់ Asian Cup 2023 ក្រុមជម្រើសជាតិកូរ៉េខាងត្បូង បាតឱកាសប្រជែងពានរង្វាន់ទ្វីបអាស៊ី ដែលជាពានមួយក្តីស្រមៃសម្រាប់កីឡាករកូរ៉េ ក្រោមថ្វីជើងក្រុមជម្រើសជាតិហ្សកដានី បានទម្លាក់ចេញត្រឹមវគ្គពាក់កណ្តាលផ្តាច់ព្រ័ត្រ ដោយលទ្ធផល ២-០ កាលពីរាត្រីថ្ងៃទី៦ ខែកុម្ភៈ ឆ្នាំ២០២៤ ៕
