ខេត្តកំពង់ឆ្នាំង ៖ កងយោធពលខេមរភូមិន្ទ កម្ពុជា និងកងទ័ពរំដោះប្រជាជនចិន បានបើក សមយុទ្ធនាគមាសឆ្នាំ២០២៤ ជាផ្លូវការ ហើយ ក្រោមប្រធានបទ “ ប្រតិបត្តិការប្រឆាំងអំពើភេរវកម្មរួម និងការសង្គ្រោះមនុស្សធម៌”។ ពិធីបើកសមយុទ្ធនោះស្ថិតក្រោមវត្តមាន ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការ កងយោធពលខេមរភូមិន្ទ និងលោកឧត្តមនាវីទោ កៅ សីវឈីង នាយរងសេនាធិការតំបន់ភូមិភាគខាងត្បូង នៃកងទ័ពរំដោះប្រជាជនចិន និងជាប្រធានក្រុមការងារដឹកនាំសមយុទ្ធភាគីចិន ខណដែលសមយុទ្ធនោះធ្វើទ្បើងនៅមជ្ឈមណ្ឌលហ្វឹកហ្វឺនកងរាជអាវុធហត្ថ ភ្នំជុំសែនរីករាយ នៅខេត្តកំពង់ឆ្នាំង នាព្រឹកថ្ងៃទី១៦ ខែឧសភា ឆ្នាំ២០២៤នេះ៕
