ប្រធានក្រុម Arsenal កីឡាករ Martin Odegaard នឹងត្រូវអវត្តមានមួយរយៈ បន្ទាប់ពីបានរងរបួសកជើង ខណៈពេលកំពុងលេងឱ្យក្រុមជម្រើសជាតិ ន័រវេសកាលពីសប្តាហ៍មុន ។នេះបើតាមអ្នកចាត់ការ Mikel Arteta បាននិយាយកាលពីថ្ងៃពុធ។
កីឡាករវ័យ ២៥ ឆ្នាំរូបនេះបានរងរបួសកំឡុងពេលប្រកួត Nations League ឲ្យន័រវេស ដោយចាញ់អូទ្រីសនៅទីក្រុង Oslo កាលពីថ្ងៃទី ៩ ខែកញ្ញា ហើយបានត្រលប់ទៅទីក្រុងឡុងវិញដោយប្រើប្រាស់ឈើច្រត់។
Odegaard បានខកខានការប្រកួត North London Derby កាលពីថ្ងៃអាទិត្យទល់នឹង Tottenham Hotspur ហើយលោក Arteta បានផ្តល់ការអាប់ដេតមុនការប្រកួតបើកឆាក Champions League របស់ Arsenal ជាមួយ Atalanta ក្នុងទីក្រុង Bergamo នៅថ្ងៃព្រហស្បតិ៍ផដែរ។ គ្រូបង្វឹករូបនេះបាននិយាយថា “ការស្កែនបង្ហាញថាគាត់ មានការរងរបួសខ្លាំង ជាពិសេសនៅលើសរសៃមួយនៅកជើង”។ដូច្នេះយើងនឹងបាត់បង់រូបគេមួយរយៈ»៕
