កីឡា ៖ អតីតខ្សែការពារក្រុមជម្រើសជាតិអង់គ្លេសលោក Danny Mills បានធ្វើការអះអាងយ៉ាងមុតមាំថា Lionel Messi មិនសមនឹងក្រុមណាមួយនៅក្នុងក្រុមកំពូលទាំង ៦ នៅក្របខណ្ឌ Premier League នោះទេ។
តារាឆ្នើម PSG វ័យ៣៥ឆ្នាំរូបនេះត្រូវបានផ្សារភ្ជាប់ជាមួយនឹងការផ្ទេរទៅកាន់ក្របខ័ណ្ឌ Premier League មុនពេលចុះហត្ថលេខាជាមួយក្លឹបយក្សបារាំងកាលពីរដូវក្តៅមុន ប៉ុន្តែបានទទួលការលំបាលសម្រាប់ទម្រង់លេងក្នុងរដូវកាលដំបូងរបស់គេ ដោយស៊ុតបញ្ចូលទីបានត្រឹមតែ១១គ្រាប់ប៉ុណ្ណោះនៅក្នុងការប្រកួតទាំងអស់នៅរដូវកាលមុន។
កីឡាករអាហ្សង់ទីនបានជួយ PSG ឈ្នះជើងឯក Ligue 1 ប៉ុន្តែទម្រង់លេងរបស់គេគឺខុសពីការលេងនៅ Barcelona ហើយលោក Mills ជឿជាក់ថា ទម្រង់លេងរបស់ Messi មិនល្អគ្រប់គ្រាន់សម្រាប់ក្រុមកំពូលទាំង ៦ ក្នុងក្របខ័ណ្ឌ Premier League ឡើយ។
អតីតខ្សែការពារជម្រើសជាតិអង់គ្លេសបាននិយាយនៅលើ talkSPORT ថា Messi ជាកីឡាករបាល់ទាត់ដ៏អស្ចារ្យបំផុតដែលលោកមិនធ្លាប់ឃើញ ទោះបីជា Ronaldo មានស្ថិតិរាង ល្អជាងមែនតិចតួចមែន ក៏ប៉ុន្តែ បើនិយាយអំពី ក្នុងពិភពបាល់ទាត់ តែម្តង គឺ Messi ល្អជាងដាច់ហើយ។ យ៉ាងណាមិញ ខ្ញុំសួរថា តើអ្នកទាំងអស់គ្នា ចង់បានគេ ទៅរួមក្រុមទេ? ប្រាកដជាអត់ហើយ។ ខ្ញុំចង់និយាយពី PL។ Liverpool មិនចង់បានគេទេ Man City មិនចង់បានគេទេ Spurs មិនចង់បានគេទេ។ ខ្ញុំគិតថា គ្មានក្លិបណា នៅ PL ចង់បានគេទេ៕
