កីឡ ៖ ក្រុមបាល់ទាត់ជម្រើសជាតិអង់គ្លេស និងអេស្ប៉ាញ បានបន្តដំណើរឈានទៅវគ្គ ៨ក្រុមនៃពានរង្វាន់ប្រចាំទ្វីបអឺរ៉ុប ជំនាន់ទី១៧ Euro 2024 ជាបន្តទៀត គ្រាដែលស្លូវ៉ាគី និង ហ្ស៊កហ្ស៊ី ហាលអាវត្រឡប់ទៅផ្ទះវិញ។
១ប្រកួតបើកឆាកវគ្គ ១៦ក្រុមចុងក្រោយនាម៉ោង ១១យប់មិញ ក្រុមតោកំណាចអង់គ្លេស បានវាយបកយកឈ្នះលើក្រុមស្លូវ៉ាគី នៅម៉ោងបន្ថែម១៥នាទី២ដង ដោយលទ្ធផល ២-១ ។ ២គ្រាប់របស់ក្រុមអង់គ្លេស រកបានដោយកីឡាករ Bellingham នាទីទី 90 + 5’និង H. Kane ក្នុងម៉ោងបន្ថែម១៥នាទី២ដង។ ចំណែកអេស្ប៉ាញ យកឈ្នះលើក្រុមហ្ស៊កហ្ស៊ី ដោយលទ្ធផល ៤-១។
គិតត្រឹមពេលនេះ ពានរង្វាន់ប្រចាំទ្វីបអឺរ៉ុប ជំនាន់ទី១៧ Euro 2024 បានរកឃើញ៤ក្រុមហើយឡើងវគ្គ៨ក្រុមចុងក្រោយរួមមាន៖ អាល្លឺម៉ង់,ស្វីស,អង់គ្លេសនិង អេស្ប៉ាញ៕
