ទីភ្នាក់ងារសារព័ត៌មានកណ្តាលកូរ៉េ (KCNA) បានរាយការណ៍ថា គណៈប្រតិភូកូរ៉េខាងជើងដឹកនាំដោយរដ្ឋមន្ត្រីពាណិជ្ជកម្មបរទេស លោក Yun Jong Ho បានចាកចេញទៅកាន់ប្រទេសអ៊ីរ៉ង់។
យោងតាមប្រព័ន្ធផ្សព្វផ្សាយ បានឲ្យដឹងថា គណៈប្រតិភូនៃក្រសួងពាណិជ្ជកម្មបរទេស ចាកចេញពីទីក្រុងព្យុងយ៉ាង កាលពីថ្ងៃទី ២៣ ខែមេសា ខណមិនមានព័ត៌មានណាមួយបញ្ជាក់ពីរបៀបវារៈនៃដំណើរទស្សនកិច្ចនេះទេ។
ទន្ទឹមនោះ ទីភ្នាក់ងារសារព័ត៌មាន Yonhap របស់កូរ៉េខាងត្បូង ក៏បានចង្អុលបង្ហាញថា ការធ្វើដំណើរនេះអាចពាក់ព័ន្ធនឹងផែនការរបស់ប្រទេសទាំង ២ ក្នុងការជំរុញទំនាក់ទំនងយោធា ៕